Mandatari për kryeministër nga Lëvizja Vetëvendosje Albin Kurti ka marr pjesë sot në një tryezë diskutimi për sigurimet shëndetësore të organizuar nga Shoqata për Mbrojtjen e të Drejtave të Pacietëve.
Kurti ka thënë se shëndetësia do të jetë prioritet në qeverisjen e tij dhe është zotuar se do të bëhet funksionalizimi i sigurimeve shëndetësore, por nuk ka treguar se kur do të fillojë implementimi, shkruan Gazeta Shneta.
“Shëndeti nuk është mall që konsumohet, por është vet jeta vet njeriu. Të flasësh për shëndetin është të flasësh për njeriun, të flasësh për qytetarin është të flasësh për ekzistencën e qeverisë. Ne jemi të indinjuar se si 20 vjet pas çlirimit dhe 12 vjet pas pavarësisë ende nuk kemi sigurime shëndetësore dhe jemi në situatë paradoksale ku në republikën tonë parlamentare kemi sigurime për automjete, por nuk kemi për njerëzit. Kemi nevojë ta humanizojmë sistemin, kemi nevoj për një shtet të orientuar kah njeriu e jo ka malli”, ka deklaruar Kurti.
Kurti ka thënë se gjatë qeverisjes së tij planifikohet të bëhet plotësim-ndryshimi i ligjit për sigurime shëndetësore, krijimi i protokolleve mjekësore dhe funksionalizimi i sistemit informativ duke u bazuar në këto protokolle, si dhe zbatim i hollësishëm i rezolutës së kuvendit për sigurimet shëndetësore. /Gazeta Shneta/
