Blerta Pepa, vajza 16-vjeçare e cila ndërroi jetë mbrëmë pas një ndërhyrje në gju është një emër i dashur për publikun. Ajo ka qenë pjesëmarrëse në Gjenin e Vogël 6. Ja një nga këngët e kënduar prej saj në këtë format.
Familjarët e vajzës kanë bërë të ditur për GSH.al se asaj i është bërë anestezi e plotë, ndërkohë që duhej i pjesshme, duke qenë se ishte e vogël.
Nga ana tjetër, ata ngrënë dhe pretendimin se ndërhyrja nuk ka qenë urgjente dhe se i kishin kërkuar që të bëhej një muaj më vonë. Mirëpo, ata kanë bërë të ditur për GSH.al se një gjë e tillë nuk është pranuar nga mjekët e spitalit privat, duke e kryer operacionin, edhe pse ishte vonë. Kjo për faktin se kirurgu, i cili tashmë është arrestuar do të ikte të martën në Greqi.
Menjëherë pas publikimit të lajmit, në rrjetin social “Facebook” ka reguar daja e Blerta Pepës. Ai ka akuzuar mjekët për papërgjegjshmëri dhe tregti me jetën e fëmijës. Daja e Blertës ka bërë apel për drejtësi, ndërsa shton se vdiq nga babëzia e eurove.
