Bekim Ismajli, 43-vjeçar, besohet të ketë bërë mbrëmë vetëvrasje në një WC të një kafeneje në lagjen “Dheu i Bardhë”, në qytetin e Gjilanit
Dëshmitarët që ishin në lokal kanë thënë për Gazetën Express se nuk është dëgjuar zhurmë fare, veçse thonë se ai ka qenë djalë i urtë dhe punëtor.
Ngjarja ka ndodhur rreth orës 18. Policia ka dalë menjëherë në vendin e ngjarjes. Po ashtu, aty po qëndron edhe një ekip i mjekësisë ligjore.
Pronarët e lokalit ku polici ka vrarë veten nuk kanë pranuar të flasin për këtë rast të ndjeshëm.
I ndjeri ka lënë pas vetes tre fëmijë – dy vajza dhe një djalë.
Vetëm një plumb është gjetur në trupin e pajetë të oficerit = i cili dyshohet se bëri vetëvrasje dje në një kafene në Gjilan.
Kryeprokurori i Prokurorisë së Gjilanit, Jetish Maloku, ka thënë se dyshohet se ka pasur vetëm një goditje me plumb në trupin e oficerit 43-vjeçar.
“Është interesant se edhe ata dëshmitarët kanë thënë se kanë dëgjuar zhurmë diçka, sepse vetëm një plumb është gjetur në trupin e oficerit”, ka thënë Maloku.
Kryeprokurori i Gjilanit ka thënë se indikacionet e para tregojnë për dyshimin e vetëvrasjes së oficerit nga Gjilani.
“Ne do të shohim, nuk do të dalim në përfundim njëherë nëse është vetëvrasje apo vrasje, megjithatë të gjitha pistat e tilla tregojnë se më tepër ka akt të vetëvrasjes”, ka thënë Maloku.