Hulumtimet e fundit kanë zbuluar se gjidhënia ofron benefite te gratë që kryejnë lindje cezariane.
Sipas hulumtimit të paraqitur në Kongresin e Euroanaestezisë në Gjenevë, 2017, gratë që lindën foshnjet e tyre përmes lindjes cezariane dhe të cilat praktikuan gjidhënien kishin tre herë më pak gjasa të përjetonin dhimbje kronike shkruan Belly Belly, transmeton Gazeta Shneta.
Studiuesit observuan 185 nëna të cilat kishin lindur përmes lindjes cezariane mes janarit 2015 dhe dhjetor 2016.
Nënat u intervistuan për gjidhënien dhe nivelin e dhimbjes kronike që kishin pas 24 ose 72 orëve pas lindjes, dhe përsëri katër muaj më vonë.
Studiuesit konkluduan se 22 përqind e grave që praktikuan gjidhënien deri në dy muaj kanë përjetuar dhimbje kronike katër muaj pas operacionit krahasuar me 8 përqind e nënave që praktikuan gjidhënien për dy ose më shumë muaj.
Gjidhënia ofron benefite të shumta si për nënën ashtu edhe për foshnjen. Organizata Botërore e Shëndetësisë (OBSh) rekomandon që foshnjet të ushqehen me gji brenda një ore pas lindjes dhe të vazhdojë ushqyerja ekskluzivisht me qumësht gjiri për gjashtë muajt e parë të jetës së foshnjes. /Gazeta Shneta/