Laboranti i Qendrës Kryesore të Mjekësisë Familjare në Ferizaj, Islam Hoxha, nga sot do të shkoj në pension.
Hoxha është nderuar nga kolegët e tij me një ceremoni përshëndetëse, e që sipas njoftimit të QKMF-së duket se ai gëzon respekt të plotë nga kolegët e tij për shkak të kontributit dhe punës, transmeton Gazeta Shneta.
Njoftimi i QKMF-së:
Personeli i laboratorit në QKMF-Ferizaj, në një atmosferë solemne sot përcolli në pension kolegun Islam Hoxha. Në ceremoninë e organizuar me këtë rast, përveç punëtorëve të laboratorit me në krye Dr. Xhevdet Haxhidemën, ishin të pranishëm edhe Drejtoresha e QKMF -së, Dr. Nadire Ymeri; Kryeshefi i DMF, Dr. Hesat Shatrolli dhe Kryeinfermierja, Mimoza Emini. Islam Hoxha e përmbylli sot karrierën shumëvjeçare në institucionin tonë, gjatë së cilës u dallua me përkushtimin, ndershmërinë dhe korrektësinë në punë. Këto cilësi, jo vetëm e bënë shembull për punëtorët e rinj, por edhe i siguruan respektin e të gjithë kolegëve.
