Lajm i mirë: Sot lirohet nga spitali 77-vjeçari nga Vitia, pacienti 0 me COVID-19

2020-04-08 në ora 11:18

Një lajm shumë i mirë vjen sot nga Klinika Infektive e QKUK’së.

Nga spitali sot do të lirohet pacienti 77-vjeçar nga Vitia i cili ishte ndër të parët që u diagnostifikua pozitiv me COVID-19 në Kosovë.

Lajmin për lirimin e tij për Gazeta Shneta e konfirmoi Prof. Dr. Salih Ahmeti, i cili theksoi se pacienti tanimë është mirë.

77-vjeçari ishte pacienti 0 në Kosovë me COVID-19, duke u infektuar pas qëndrimit që kishte pasur në Itali.

Njëherësh, pas diagnostifikimit të tij, Komuna e Vitisë ishte futur në karantinë. /Gazeta Shneta/