Një lajm negativ vjen sot nga Qendra Klinike Universitare e Kosovës.
Dy ekipe të stafit të intensivës qendrore janë futur në vetëizolim, mëson Gazeta Shneta.
Kjo ka ardhur pasi në këtë njësi u trajtua një pacient që më vonë doli pozitv në testin me COVID 19.
Gazeta Shneta mëson nga burimet e saj që një pacient një ditë më parë ishte shtrirë në Emergjencën e QKUK’së. Atij iu bë testi për COVID 19 pas dyshimeve të stafit, mirëpo rezultoi negativ.
Ai më pas u vendos në Intensivën Qendrore, por atje mjekët dyshuan sërish në COVID 19 dhe vendosën që ta dërgojnë mostrën edhe njëherë për testim. Në herën e dytë, testi doli pozitiv.
Kjo ka ngritur alarmin në intensivë dhe ka bërë që dy ekipet që trajtuan këtë pacient të futen menjëherë në vetëizolim. Gazeta Shneta do t’iu mbajë të informuar për më shumë detaje gjatë ditës. /Gazeta Shneta/