Ministri i Shëndetësisë Rifat Latifi po vazhdon raportimin e tij në Komisionin parlamentar për Shëndetësi.
Latifi ka thënë se ka qenë në klinikën e Psikiatrisë në QKUK dhe është shokuar me kushtet në të cilat punojnë stafi dhe trajtohen pacientët, shkruan Gazeta Shneta.
“Kam qenë në Psikiatri, jo si pacient por si ministër. Ju lutem deputetë shkoni edhe ju. Jam shokuar me gjendjen. Uji pikon afër kabllove të rrymës dhe aty punojnë stafi e trajtohen pacientë. Dje e kam dërguar një ekip të ushtrisë amerikane për të vlerësuar se si mund të na ndihmojnë për ta rinovuar”, ka thënë Latifi.
Kryesuesja e Komisionit Fatmire Kollçaku ka deklaruar me këtë rast se edhe deputetët e Komisionit e kanë vizituar këtë klinikë dhe janë njoftuar me gjendjen. /Gazeta Shneta/
