Sot, kandidati për kryeministër, Lumir Abdxhiku, ka paraqitur programin e tij për shëndetësinë, i cili premton një transformim të thellë të sistemit shëndetësor në Kosovë.
Me një fokus të fortë tek investimet dhe përmirësimet e infrastrukturës, ky program synon kapërcimin e sfidave të mëdha që ka hasur ky sektor, përcjell Gazeta Shneta.
“Ne besojmë në Kosovë!”, theksoi kandidati, duke shtuar se besimi është i thellë tek mjekët, infermierët dhe gjithë stafi shëndetësor, dhe se çdo qytetar i Kosovës ka të drejtë të marrë shërbim të cilësisë së lartë në atdheun e tij.
Ai beson gjithashtu se Kosova mund të jetë një shembull i transformimit të suksesshëm në rajon, duke lënë pas kapacitetet e vjetruara dhe duke ndërtuar një të ardhme më të shëndetshme për të gjithë.
Pikat kryesore të programit përfshijnë:
Spitali i ri i Kosovës: Një investim 500 milionë eurosh për një spital të ri dhe modern, duke përfshirë një strukturë dhe model të ri. Pas ndërtimit, QKUK-ja aktuale do të rrënohet për t’i hapur rrugën një kompleksi multikulturor që do të përfshijë teatrot dhe muzeumet e Kosovës.
Sigurimi shëndetësor: Aktivizimi i Fondit të Sigurimeve Shëndetësore, me një kontribut të përbashkët nga punëmarrësit dhe punëdhënësit prej 3.5%.
Menaxhimi privat dhe ndërkombëtar i spitaleve: Menaxhimi i spitaleve nga kompani private dhe ndërkombëtare për të siguruar menaxhim efikas dhe profesional.
Punësim dhe specializim: Garantimi i punësimit brenda 6 muajve për çdo student të diplomuar në mjekësi dhe mundësia për specializim brenda dy viteve.
Digjitalizimi i sistemit shëndetësor: Krijimi i një sistemi të digjitalizuar për të eliminuar proceset manuale dhe të pasigurta në shërbimin shëndetësor.
Investime në spitalet rajonale: 100 milionë euro për modernizimin dhe transformimin e spitaleve rajonale në qendra ekselence.
Rritja e shërbimeve shëndetësore: Arritjen e normës evropiane për 1 mjek familjar për 1500 banorë dhe shtimin e 500 infermierëve të rinj.
Postimi i plotë: