Studimet kanë treguar se ekspozimi i përsëritur i një “pseudo fjale” gjatë fazave të fundit të shtatzënisë shkakton reagimin e trurit të foshnjës ndaj saj.
Në qoftë se ju doni t’i flisni fetus-it që keni në bark, bëjeni këtë. Studimet tregojnë se foshnjat zhvillojnë një kujtesë të fjalëve që ata dëgjojnë shpesh para se të linden, transmeton Gazeta Shneta.
“Ne besojmë që kjo tregon se sa mirë përshtatet në këtë fazë truri ndaj tingujve. Kjo është një shenjë e të mësuarit shumë të hershëm të gjuhës ose përshtatjes me tingujt që ato dëgjojnë”, thotë Dr. Minna Huotilainen, docente në Qendrën Finlandeze të Ekselencës në Studimet Ndërdisiplinore të Muzikës në Universitetin e Helsinkit.
“Një foshnjë e porsalindur (sipas OBSH-së i porsalindur konsiderohet fëmija gjatë katër javëve të para të lindjes) nuk është një pëlhurë e zbrazët, por tashmë ka mësuar se si flasin nëna dhe pjesëtarët e tjerë të familjes”.
Mund të duket e habitshme që foshnjat mund të sjellin ndërmend tinguj që ata i kanë dëgjuar në barkun e nënës, veçanërisht duke marrë parasysh që truri i tyre po zhvillon ende lidhjet që i lejojnë ata të përpunojnë çdo gjë. Megjithatë ka shenja që fetuset kujtojnë tinguj.
“Tashmë ka disa prova që fetuset mund të mësojnë dhe që foshnjat mund të kujtojnë këngë ose pjesë të foluri nga periudha fetal-e”, thotë Huotilainen.
Studiuesit testuan memorien e fetuseve finlandeze duke i ekspozuar ata ndaj një fjale të vetme “tatat”, që nuk ka kuptim në gjuhën finlandeze.
“Kjo është një e ashtuquajtur pseudo fjalë, e cila është e rëndësishme për studimin. Ajo ka tre rrokje dhe ne e zgjodhëm këtë fjalë të gjatë, për ta bërë sfiduese për trurin e vogël të foshnjave për të gjetur ndryshimet dhe për t’u dhënë atyre një diçka të vështirë për të mësuar”, thotë Huotilainen. “Një fjalë e tillë mund të ekzistonte në finlandisht. Ajo u bindet të gjithë rregullave të gjuhës finlandeze”.
Nga java e 29-të e shtatzënisë deri në lindje, rreth gjysma e 33 grave shtatzëna, e dëgjuan këtë fjalë të regjistruar me qindra herë. Disa herë regjistrimet e paraqisnin këtë fjalë me një rrokje të ndryshme ose të shqiptuar ndryshe.
Pas lindjes, studiuesit përdorën skanime për të testuar aktivitetin në trurin e të gjithë foshnjave kur ata dëgjonin këtë fjalë. Ata që e kishin dëgjuar atë më parë shfaqën një reagim të shtuar ndaj kësaj fjale specifike. Ata ishin në gjendje ta përpunonin këtë fjalë më mirë dhe të zbulonin ndryshimet në të.
Huotilainen thotë se ky lloj të mësuari i zbuluar nga studimi ndodh ndoshta në fazën e vonë të shtatzënisë, megjithëse kjo gjë nuk është studiuar ende. Foshnjat fillojnë të dëgjojnë pothuaj në mesin e shtatzënisë.
Fakti që të mësuarit prej tingujve të përsëritur ndodh qysh kur fëmijët ndodhen në barkun e nënës do të thotë që të mësuarit e gjuhës nuk fillon në ditën e parë në momentin e lindjes por qysh kur fëmija dëgjon tingujt nga uterus (mitra). Është me të vërtetë shumë e mahnitshme që truri i fetusit të ketë një kapacitet të tillë.
Çfarë mund të bëjnë prindërit duke e pasur këtë informacion?
Ata duhet të jenë të ndërgjegjshëm që fetusi mund të dëgjojë diçka nga bota jashtë dhe të mësojë prej saj. “Flisni gjatë shtatzënisë. Ju mund t’u flisni të tjerëve ose fetusit tuaj në qoftë se doni”, përfundon Huotilainen./Gazeta Shneta/