Gjatë vitit 2025, në sallat e operacionit të Spitalit të Përgjithshëm të Gjakovës janë kryer gjithsej 2,127 ndërhyrje kirurgjikale, me anestezion të përgjithshëm dhe lokal.
Sipas të dhënave zyrtare të spitalit, 1,481 ndërhyrje janë realizuar me anestezion të përgjithshëm, ndërsa 646 ndërhyrje me anestezion lokal, përcjell Gazeta Shneta.
Sipas specialiteteve mjekësore, numri më i madh i ndërhyrjeve i përket repartit të Kirurgjisë, me 1,440 operacione, pasuar nga Ortopedia me 387 ndërhyrje.
Në repartin e Oftalmologjisë janë kryer 94 ndërhyrje kirurgjikale, si dhe 946 aplikime të terapisë Avastin, ndërsa në Urologji janë realizuar 149 ndërhyrje kirurgjikale dhe 239 cistoskopi.
Gjatë vitit 2025, në repartin e Otorinolaringologjisë (ORL) janë kryer 12 ndërhyrje kirurgjikale./Gazeta Shneta/