Mbi 2 mijë persona kanë kërkuar trajtim mjekësor në Shërbimin Emergjent të Spitalit të Përgjithshëm “Dr. Sami Haxhibeqiri” në Mitrovicë gjatë vitit 2025, si pasojë e aksidenteve në trafik.
Kështu bëhet e ditur në raportin vjetor të këtij institucioni shëndetësor, ku theksohet se Emergjenca ka qenë e ngarkuar me raste që kanë kërkuar ndërhyrje të menjëhershme mjekësore, përfshirë edhe lëndime të rënda trupore.
Sipas të dhënave të publikuara, aksidentet në komunikacion mbeten ndër shkaqet kryesore të paraqitjeve për trajtim urgjent në këtë spital./Gazeta Shneta/