Mbi 2200 raste aktive me Covid-19 në Kosovë

2021-10-04 në ora 10:41

Në Kosovë janë 2 mijë e 237 raste aktive me Covid-19.

Ministria e Shëndetësisë të dielën ka publikuar raportin e fundit rreth situatës me Covid-19, ku është bërë e ditur se për 24 orë janë shënuar 23 raste të reja me koronavirus, ndërkaq si pasojë e infektimit kanë vdekur 2 persona.

MSh ka bërë të ditur se përgjatë 24 orëve janë shëruar 114 persona.

Deri më tani në Kosovë janë administruar 1.375.295 vaksina kundër Covid-19. Me dozën e parë janë vaksinuar 809.469 qytetarë, ndërsa me dozën e dytë 565.799. /Gazeta Shneta/