Ushtruesja e detyrës së drejtorit të përgjithshëm të ShSKUK-së, Dr. Pranvera Zejnullahu- Raçi, ka vizituar Klinikën e Nefrologjisë, ku është njoftuar nga afër me zhvillimet dhe punën që po bëhet në këtë klinikë.
E mirëpritur nga drejtoresha e Klinikës së Nefrologjisë, Mimoza Ukimeraj, u diskutuan çështjet rreth projektit për funksionalizimin e Dializës Peritoneale, për të cilën u premtua mbështetje ana e të parës së ShSKUK-së.
Mes tjerash, u diskutua edhe për zhvillimin e shërbimeve të reja, fillimin e trajtimit të sëmurëve me metodën ekstrakorporale të detoksifikimit -Plazmaferezë, por edhe trajnimi i stafit.
Me theks të veçantë, vlen të ceket se që nga fillimi i vitit deri më tani në Klinikën e Nefrologjisë janë trajtuar 665 pacientë me 24 mijë e 500 seanca dialize. /Gazeta Shneta/
