Sipas Organizatës Botërore të Shëndetësisë (OBSh) janë pranuar 650 rapotime rreth hepatiti akut te fëmijët. Sipas OBSh-së, shkaqet mbesin ende të panjohura.
Që nga 26 maji, 650 raste të mundshme janë raportuar në OBSH nga 33 vende shkruan Reuters, transmeton Gazeta Shneta.
Autoritetet shëndetësore në mbarë botën po hetojnë një rritje të rasteve të rënda të hepatitit te fëmijët, ku deri më tani janë shënuar nëntë raste të vdekjes.
Zyrtarët e shëndetësisë amerikane thanë javën e kaluar se infeksioni me adenovirus, një virus i zakonshëm i fëmijërisë, është hipoteza kryesore për rastet e fundit të hepatitit të rëndë me origjinë të panjohur tek fëmijët.
Hepatiti i lidhur me këtë lloj adenovirusi është shoqëruar pothuajse ekskluzivisht me fëmijët me imunitet të kompromentuar.
Aktualisht, Qendrat e SHBA për Kontrollin dhe Parandalimin e Sëmundjeve (CDC) po hetojnë nëse infeksionet COVID-19 mund të luanin një rol ndikimi në këtë gjendje. /Gazeta Shneta/