Gjatë 24 orëve të fundit, në Spitalin e Përgjithshëm në Pejë janë kryer 629 vizita specialistike, ndërsa 53 pacientë janë pranuar për trajtim të mëtutjeshëm.
Aktualisht, në këtë institucion shëndetësor po trajtohen 212 pacientë të shtrirë, të cilët janë nën përkujdesje të vazhdueshme mjekësore.
Në aspektin diagnostik dhe laboratorik, 245 pacientë kanë kryer gjithsej 3,310 analiza. Ndërkohë, janë realizuar 134 ekzaminime me rëntgen, 48 ultrazëra dhe 20 rezonanca magnetike (MRI), si dhe 9 ekzaminime me ekografi.
Gjatë kësaj periudhe janë kryer edhe 9 operacione me sukses, ndërsa 42 pacientë kanë marrë trajtim me dializë.
Në repartin e Gjinekologjisë janë regjistruar 3 lindje: 2 djem dhe 1 vajzë.
Po ashtu, janë ofruar 58 shërbime fiziatrike, duke mbështetur pacientët në procesin e rehabilitimit. /Gazeta Shneta/