Në klinikat dhe spitalet Covid në Kosovë po trajtohen 753 pacientë të sëmurë me Covid-19.
Në raportin e Shërbimit Spitalor Klinik Universitar janë regjistruar gjithsej 753 pacientë prej të cilëve 260 janë në klinikat Covid të QKUK-së, dhe 493 në spitalet rajonale, shkruan Gazeta Shneta.
Gjashtë pacientë në gjendje të rëndë po trajtohen me respiratorë në njësitë intensive në QKUK, ndërsa 19 janë me CPAP. Gjithsej 23 pacientë janë në Mjekimin Intensiv Qendror, ndërsa në total 177 pacientë janë duke u trajtuar me oksigjen.
Ndërkaq në spitalet rajonale janë të shtrirë gjithsej 493 pacientë, prej të cilëve tre janë në respiratorë, 31 me CPAP dhe 346 kanë nevojë për mbështetje me oksigjen.
Kujtojmë se në 24 orët e fundit në Kosovë janë regjistruar 688 raste të reja me Covid, dhe 11 viktima. /Gazeta Shneta/