Mbi një mijë ndërhyrje kirurgjike me laparaskop janë kryer gjatë vitit 2021 në Spitalin e Përgjithshëm të Vushtrrisë.
Kështu ka bërë të ditur ShSKUK përmes një njoftimi për media.
“Janë kryer 1 mijë e 93 ndërhyrje kirurgjike me laparaskop”, thuhet në njoftim, shkruan Gazeta Shneta.
Mjekët kirurgë, bashkë me anesteziologë dhe pjesën tjetër të ekipit operator, për 12 muaj kanë operuar me metodën klasike edhe 590 pacientë.
“Këto të dhëna dalin nga raporti vjetor i punës, në të cilin është regjistruar në detaje edhe ofrimi i shërbimeve mjekësore në Repartin e Gjinekologjisë, ku janë kryer 296 lindje- 106 me operacion, gjersa janë lindur 297 fëmijë”, thuhet tutje në njoftimin e ShSKUK-së.
Gjatë kësaj periudhe, po ashtu, janë bërë 46 mijë e 634 vizita ambulantore, 23 mijë e 516 vizita diagnostike dhe 58 mijë e 613 analiza laboratorike për 7 mijë e 757 pacientë.
Kurse sa i përket shërbimeve radiologjike, janë kryer 62 CT, 2 mijë e 839 ultrazë, 8 mijë e 294 radiografi dhe 233 mamografi./Gazeta Shneta/