Mbreti Charles është diagnostikuar me një formë kanceri, ka njoftuar Buckingham Palace.
Nuk është kancer i prostatës, por u zbulua gjatë trajtimit të tij të fundit për një prostatë të zmadhuar, raporton burimi BBC përcjell Gazeta Shneta.
Lloji i kancerit nuk është zbuluar, por sipas një deklarate të pallatit, Mbreti Charles filloi “trajtimet e rregullta” të hënën.
Pallati Buckingham ka shkruar mes tjerash se Mbreti “mbetet plotësisht pozitiv në lidhje me trajtimin e tij dhe pret që të kthehet në detyrën e plotë publike sa më shpejt të jetë e mundur”.
Nuk jepen detaje të mëtejshme për fazën e kancerit apo një prognozë.
Mbreti, 75 vjeç, u kthye në Londër nga Sandringham në Norfolk të hënën në mëngjes dhe pallati ka raportuar se ai ka filluar trajtimin si pacient i jashtëm.
Edhe pse ai do të ndalojë ngjarjet e tij publike, Mbreti do të vazhdojë me rolin e tij kushtetues si kreu i shtetit, duke përfshirë dokumentet dhe takimet private.
Vlen të theksohet se mbreti Charles kreu një procedure mjekësore të prostatës në një spital privat në Londër më shumë se një javë më parë.
Mbreti kishte zgjedhur të bënte publikisht trajtimin e tij të prostatës, me qëllimin për të inkurajuar më shumë burra që të bënin kontrolle të prostates.
Për shumë lloje të kancerit, mundësia për t’u prekur rritet me moshën. Shifrat në Mbretërinë e Bashkuar sugjerojnë, mesatarisht çdo vit, më shumë se një e treta (36%) e rasteve të reja të kancerit ishin te njerëzit e moshës 75 vjeç e sipër. /Gazeta Shneta/