Ministri i Shëndetësisë së Kosovës, Arben Vitia, ka pritur në takim ambasadorin e Finlandës, z. Matti Nissinen.
Vitia, gjatë këtij takimi, ka njoftuar ambasadorin Nissinen lidhur me objektivat dhe reformat të cilat planifikohen të bëhen në sistemin shëndetësor, thuhet në njoftimin zyrtar të Ministrisë së Shëndetësisë.
“Ai e informoi ambasadorin e Finlandës për prioritetet dhe planet e Qeverisë së Kosovës për ta përmirësuar shëndetësinë në të gjitha nivelet, duke filluar nga përmirësimi i kushteve të punës për profesionistët shëndetësor, projektligjet si dhe projektet kapitale” thuhet në komunikatë.
Ndër të tjera, ambasadori Nissinen falënderoi Ministrin Vitia për bashkëpunimin e ofruar dhe shprehi gatishmërinë që raportet mes Kosovës dhe Finlandës të thellohen më tej, duke shfrytëzuar mundësitë e bashkëpunimit në fushën e shëndetësisë midis të dyja vendeve. /Gazeta Shneta/