Ministri Vitia është vaksinuar kundër gripit sezonal në QKMF “Dr. Vezir Bajrami” në Shtime.
Ministri i Shëndetësisë Dr. Arben Vitia, vizitoi Qendrën Kryesore të Mjekësisë Familjare në Shtime për të parë nga afër procesin e vaksinimit kundër gripit sezonal, si dhe kontrollet e mamografisë të cilat po realizohen në kuadër të muajit për ndërgjegjësimin për sëmundjen e kancerit të gjirit, shkruan Gazeta Shneta.
Në këtë rast ai edhe u vaksinua kundër gripit sezonal dhe bëri u thirrje qytetarëve për vaksinim.
Ministri Vitia bëri të ditur se tashmë ka filluar vaksinimi i qytetarëve kundër gripit sezonal në të gjitha komunat e Kosovës, ndërsa Ministria e Shëndetësisë ka siguruar 85 mijë e 500 doza të vaksinave.
Gjatë vizitës, Kryetari i Komunës së Shtimes, Qemajl Aliu e njoftoi ministrin Vitia se procesi i vaksinimit në këtë komunë është duke u zhvilluar sipas dinamikës së paraparë nga profesionistët shëndetësor. Ndërsa, në vazhdën e aktiviteteve të muajit të ndërgjegjësimit për kancerin e gjirit, kryetari Aliu njoftoi se kontrollet po bëhen edhe jashtë orarit të paraparë, me qëllim që të gjitha gratë e interesuara të marrin shërbimet përmes mamografit mobil.
Njoftimi i plotë: