Në javën e 23-të të shtatzënisë, nëna Jessica Trinkle u trondit nga një lajm i mjekëve – foshnja e saj ishte prekur nga sëmundja e Spina Bifidas. Por gjithçka do të shkonte mirë fal një intervenimi të rrall të mjekëve derisa foshnja ishte ende brenda në mitrën e nënës.
Jessica thotë se pas shumë vështirësive dhe shqetësimeve që pati për shëndetin e foshnjës, kjo lloj procedure ishte një shpresë në mes të dëshpërimit, shkruan scarymommy, transmeton Gazeta Shneta.
Spina Bifida është një sëmundje mjaft e përhapur tek foshnjat në SHBA. Ajo është një lloj defekti nervor kur nervi nuk arrin të zhvillohet sa duhet.
Operacioni që do të kryhej kërkonte intervenimin e 13 mjekëve dhe infermierëve. “Kirurgët bën një prerje prej rreth 25 cm në abdomenin tim, pastaj rreth 12 cm në mitrën time. Mjekët vazhdimisht e mbushnin mitrën me lëngun amniotic në mënyrë që të mbahej niveli i sigurt për djalin”, rrëfen nëna.
Operacioni në shpinën e djalit Parker ishte kryer derisa ai ishte në mitrën e nënës. Pas kryerjes së intervenimit mitra ishte mbyllur. Mjekët i dhan instruksione të rrepta nënës për ta kaluar sigurt pjesën e mbetur të shtatzënisë.
Lindja u krye më datën 6 shkurt të këtij viti me operacion cezarian dhe nëna tani përveç që është e lumtur, është edhe mirënjohëse për ekipin e mjekëve që bën mrekullinë. /Gazeta Shneta/
