Furnizimi me barna dhe materiale shpenzuese kurrë nuk ka qenë më keq në Shërbimin Spitalor Klinik Universitar të Kosovës.
Aktualisht klinikat e QKUK-së po përballen me gjëra elementare për të kryer shërbimet ndaj pacientëve, shkruan Gazeta Shneta.
Një familjare e një pacienti në Ortopedi u shokua kur mjekët i kërkuan që të blejë mantel për t’ua mundësuar mjekëve hyrjen në sallën e operacionit.
“Nëse bëheni operacion në QKUK/Ortopedi, përpos medikamenteve duhet me ble edhe gjilpëra dhe mantelë për mjekët që të bëjnë operacion. Paramendoni, ja shikoni se si i ka shkruar mjeku se çka duhet. Ja edhe fatura: 10 mantela për 10 mjekë. Kuku bre, çka po ndodh me neve?? Se 10 mjekë do të bëjnë operacion të gjurit. Mjerim, trishtim”, ka shkruar Duda Daka në Facebook.
Gazeta ka raportuar ditë më parë se në klinikat e QKUK-së nuk ka as Betadinë (jod) për pastrimin e varrëve.
Në Ministrinë e Shëndetësisë thonë se janë duke përgatitur një sistem të ri të furnizimit nga Lista Esenciale. Ministri Uran Ismaili është zotuar se deri në fund të marsit do të rifillojë furnizimi i rregullt. /Gazeta Shneta/