Mjekët shqiptarë që erdhën nga Zvicra për të mbajtur disa ligjërata dhe ëorkshope në Prishtinë, kanë mbetur të impresionuar nga interesimi i studentëve të mjekësisë.
Nëntë mjekë shqiptar nga Zvicra të organizuar nga Lidhja e Mjekëve Shqiptar në Zvicër, kanë mbajtur ligjërata dhe ëorkshope për studentët e mjekësisë në Prishtinë, shkruan Gazeta Shneta.
Ata kanë mbetur të impresionuar nga interesimi dhe motivi i studentëve për të mësuar nga mjekët e diasporës.
“Ne 9 kolegët nga Zvicra që ligjëruam mbetëm të impresionuar me interesimin dhe interaktivitetin që treguat e mbi të gjitha për motivimin tuaj për të mësuar trajtimin e mirëfilltë mjekësor të bazuar në efikasitet empirik shkencor”, thuhet në një komunikatë të Lidhjes.
Kardiologu i njohur Prof. Dr. Florim Cuculi i cili ishte një nga ligjëruesit, ka thënë se niveli i studentëve në Prishtinë është i njëjtë me ata në Zvicër.
“Pyetjet e tyre ishin shumë interesante, të tilla që unë nuk kisha dëgjuar te studentët e mi. Ata ishin të etur për dije e njohuri dhe kjo rini është shpresa e Kosovës”, ka thënë Cuculi në një deklaratë për albinfo.ch.
“Studentët e mjekësisë në Prishtinë, në të njëjtin nivel me studentët zviceranë”. Ai e ka thënë këtë në fund të kongresit Sëiss Medical School të organizuar në Prishtinë nga Lidhja e Mjekëve Shqiptarë të Zvicrës me pjesëmarrjen e rreth 200 studentëve e mjekëve të rinj të Kosovës.
Në këtë ngjarje shkencore kanë ligjëruar mjekët: Mentor Bilalli, Florim Cuculi, Valbona Hysenaj Miftari, Naim Mehmeti, Gazmend Haliti, Bujar Sopi, Afrore Suka Qorolli, Alban Y. Neziri, Flamur Mushica. /Gazeta Shneta/