Mosha e mjekëve specialistë në Kosovë sipas statistikave të OMK-së është e shtyrë.
Rreth 75 mjekë specialistë pensionohen çdo vit, raporton syrivizion, transmeton Gazeta Shneta.
Në spitalin “Isa Grezda” në Gjakovë, së fundmi janë pensionuar dy specialistë ortopedie, Selajdin Boshnjaku dhe Burim Sahatqija, të cilët themeluan këtë repart.
Dr. Sahatqija shpreh gatishmërinë për të punuar pas pensionimit, por pengohet nga ligji.
Kirurgu Valdet Spahija ka kërkesë nga MSH-së që të iu mundësohet mjekëve që edhe pas pensionimit të punojnë.
Ndërkohë ministri i Ministrisë së Shëndetësisë, Arben Vitia tha se janë duke shikuar së bashku me drejtorinë e SHSKUK-së që të iu mundësohet mjekëve që pas pensionimit të punojnë në spitale publike.
“Cështja është trajtuar me disa kolegë në QKUK, e sidomos me disa anestezistë të cilë kanë dalur në pension. Me drejtorinë e SHSKUK-së jemi duke shikuar çdo mënyrë ligjore që kolegëve që kanë dalur në pension, por kanë çka të japin akoma të iu mundësojmë vazhdimin e punës aq sa është e mundur”, tha Vitia.