Mjekja Helen Wall, e cila është një mjeke e njohur e ftuar në emisionin *Morning Live* të BBC-së, ka bërë një apel të rëndësishëm për shikimin. Ajo i këshilloi shikuesit të mos injorojnë disa simptoma që mund të tregojnë për praninë e katarakteve. Duke ndarë përvojën e saj,
Dr. Wall zbuloi se fillimisht e kishte kuptuar diçka të pazakontë me shikimin e saj gjatë një pushimi. Ajo mendoi se ishte për shkak të kremit të diellit në syze, por rezultoi se ishte fillimi i një katarakti, shkruan Mirror, transmeton Gazeta Shneta.
“Katarakti është një mjegullim i thjerrëzës së syrit, e cila normalisht duhet të jetë një disk i tejdukshëm,” shpjegoi Dr. Wall. “Kur jemi të rinj, shikimi është si të shohim përmes një dritareje të pastër, por me kalimin e kohës, katarakti e bën shikimin të mjegullt, si dritarja e një banjoje.”
Ajo gjithashtu paralajmëroi se kjo gjendje mund të ndikojë në aftësinë për të vozitur dhe se ekzistojnë rregullore të veçanta që përcaktojnë aftësitë për drejtimin e mjetit për ata që vuajnë nga katarakti. “Individët me katarakte mund të vozisin, por duhet të jenë të vetëdijshëm për sa rëndë u ndikon katarakti.”
Dr. Wall tregoi gjithashtu se shkalla e saj e lartë e miopisë e ka bërë më të mundur zhvillimin e kataraktit, duke shtuar se ka vuajtur nga shikimi i dobët që nga fëmijëria. Gjatë pushimeve të fundit, ajo e kishte vënë re mjegullimin e shikimit dhe e kishte kuptuar se gjendja e saj ishte përkeqësuar.
Ky paralajmërim është i rëndësishëm për të gjithë ata që mund të përballen me simptoma të ngjashme./ Gazeta Shneta/