Mjeku Raif Çavolli i është bashkuar Lëvizjes Vetëvendosje.
Kështu ka bërë të ditur VV-ja përmes një postimi në Facebook, të bashkëngjitur me një fotografi të kryeministrit Albin Kurti, me kirurgun e njohur.
“Me një karrierë të shquar në fushën e mjekësisë kardiovaskulare, Dr. Raif Çavolli sjell përvojë të pasur dhe integritet profesional në radhët e Lëvizjes VETËVENDOSJE!. Si një kirurg i mirënjohur, ai ka dhënë një kontribut të jashtëzakonshëm jo vetëm në shpëtimin e jetëve, por edhe në avancimin e sistemit shëndetësor në Kosovë dhe Shqipëri, duke udhëhequr me sukses klinika dhe ekipe mjekësore.
Dr.Çavolli është një figurë e njohur dhe e respektuar, veçanërisht për qytetarët e Pejës, duke ardhur nga një familje me traditë të gjatë në mjekësi. Me përkushtimin dhe angazhimin e tij, ai përfaqëson modelin e një profesionisti që punon për të mirën e përgjithshme dhe shërbimin ndaj qytetarëve.
Angazhimi i Dr.Çavollit në Lëvizjen VETËVENDOSJE! nuk do të pasurojë vetëm vizionin tonë për një shëndetësi më të fortë, por do të jetë edhe një shtysë për qeverisje të përgjegjshme, transparente dhe të orientuar drejt qytetarit”, ka shkruar VV-ja.