Fillimi i javës së dytë të muajit mars pritet të shoqërohet me mot të ftohtë, reshje shiu dhe bore.
Nga dita e enjte pritet të ketë intervale me diell dhe kthjellime shkruan PrishtinaWeather, transmeton GazetaShneta.
“8.03 – Pas mëngjesit me ngrica, ditën më butë kryesisht me diell. Pasdite dhe në mbrëmje vransirat shtohen, e vende-vende mund të ketë edhe riga lokale shiu.
9.03 – Më ftohtë, kryesisht vranët me reshje shiu kohëpaskohe, e orëve të mëngjesit dhe mbrëmjes me borë.
10.03 – Ftohtë, kryesisht vranët dhe me reshje bore, të cilat gjatë ditës në vise më të ulëta shndërrohen edhe me reshje shiu. Vende-vende reshjet e borës do të jenë me intenzitet mesatar, që mund të formojnë edhe shtresë bore.
11.03 – Kryesisht me kthjellime dhe diell. Në mëngjes shumë ftohtë dhe me ngrica.
12.03 – Kthjellime dhe vransira kalimtare. Në mëngjes më ftohtë me ngrica, ditën më butë.”, thuhet në njoftimin e fundit.
Temperaturat minimale do të jenë nga 1C, ditën e martë, do të zbresin deri në -5C ditën e enjte.Kurse, temperaturat maksimale nga 11C, ditën e hënë, zbresin deri në 3C ditën e mërkurë, dhe sërish pësojnë rritje deri në 11C, ditën e premte./GazetaShneta/