Paraditja e së hënës do të jetë kryesisht me diell dhe e ngrohtë në Kosovë, ndërsa gjatë pasdites pritet ndryshim i motit, me shtim të vranësirave, reshje lokale shiu dhe shkarkime rrufesh në disa zona.
Sipas Institutit Hidrometeorologjik të Kosovës (IHMK), temperaturat minimale do të lëvizin nga 13 deri në 18 gradë Celsius, ndërsa maksimalet nga 29 deri në 33 gradë Celsius.
“Era do të fryjë e lehtë deri mesatare nga jugperëndimi dhe perëndimi, me shpejtësi 2 deri në 8 metra në sekondë. Gjatë zhvillimit të vranësirave mund të ketë përforcime të përkohshme të erës”, thuhet në njoftim. /Gazeta Shneta/