Pas vorbullave ciklonike që kaluan ditëve të shkuara nga rajoni ynë, nga sot dhe fundjavë fusha të presionit të lartë do të shtrihen mbi rajon, që ditën e shtunë pritet të sjellin kthjellime.
Mirëpo, nga dita e diel, fusha të presionit të ulët nga Atlantiku gradualisht do të shtrihen mbi Itali, duke krijuar mundësi për të reshura shiu dhe bore në fillim të javës së ardhshme.
Temperaturat e ajrit do të luhaten rreth vlerave mesatare për këtë periudhë kohore, me minimale nga -4C deri në +1C, e ato maksimale në fundjavë pritet të rriten deri në 8C, e në fillim të javës do të zbresin deri në 4C.
Era do të fryejë e lehtë dhe mesatare nga juglindja dhe verilindja 1-6m/s, e ditën e martë mesatarisht e fuqishme 6-13m/s.