Ministria e Shëndetësisë do të shpenzoj edhe 120 mijë euro për të riprojektuar objektin e Spitalit të Ferizajt.
Në dosjen e tenderit të publikuar dje, Ministria e Shëndetësisë po kërkon një operator ekonomik që të bëj riprojektimin e objektit të mbetur në gjysmë të Spitalit të Ferizajt, shkruan Gazeta Shneta.
Tenderi me vlerë të parashikuar 120 mijë euro, synon që të rishikoj punimet ekzistuese dhe të bëj riprojektimin e objektit për t’i përshtatur nevojat e stafit mjekësor dhe pacientëve.
“Pasi që në objekt janë përfundur punët e kostruksionit të objektit, pjesërisht hidroizolimi, termoizolimi dhe drenazhimi në bodrum dhe suteren, objekti i SP në Ferizaj ka probleme me ujëra nëntoksore dhe mbitokësore, duhet të rishikohen punët e hidoizolimit, termoizolimit si dhe drenazhimit në bodrum dhe suteren, të ofrohet zgjidhje adekuate për eliminimin e këtyre problemeve”, thuhet në dosjen e tenderit.
Poashtu nga operatori ekonomik kërkohet që të bëhet rishikimi i statikës së objektit për shkak të ndikimit nga kushtet e jashtme klimatike.
“Objekti i SP në Ferizaj ka mbi tre vite që është i ekspozuar nga ndikimet e jashtme klimatike, andaj është e nevojshme të rishikohet projekti i statikës, të behet ekzaminimi i objektit dhe të merrem masat e nevojshme për një funksionim sa më të mirë të SP, si dhe ndarja e hapësirave sipas detyrës projektuese”, thuhet në dosje.
Gazeta Shneta vitin e kaluar ka raportuar për këtë objekt të lënë në gjysmë, i cili ishte mbushur me ujë në bodrum dhe në pjesët anësore të jashtme. /Gazeta Shneta/