Në Klinikën Infektive mbrëmë ka pasur një ndërprerje të rrymës rreth 30-40 minuta pas mesnatës.
Ndërprerja e rrymës ka ndodhur për shkak të një problemi teknik në rrjetin elektrik të QKUK-së, ka mësuar Gazeta Shneta.
“Ka pas një prishje të një sigurese brenda rrjetit elektrik të ndërtesës”, ka deklaruar një burim i Gazetës.
Ndërprerjen e rrymës e ka konfirmuar edhe SHSKUK, e cila ka deklaruar se menjëherë pas këtij problemi janë aktivizuar shërbimet teknike për ta rregulluar.
Ndërprerja e rrymës ka ndodhur edhe në njësinë intensive, por fatmirësisht nuk ka pasur dëme ose komplikime tek pacientët.
“Mund të ju konfirmojmë se ka pasur një ndërprerje të rrymës, por pa pasoja tek pacientët që gjenden në klinikë. Menjeherë janë aktivizuar shërbimet teknike”, thuhet në përgjigjen e SHSKUK-së.
Në Klinikën Infektive janë duke u trajtuar 108 pacientë, prej të cilëve 5 me oksigjen me metodën CPAP dhe 52 të tjerë me oksigjenoterapi. /Gazeta Shneta/