Në moshën 83-vjeçare, sot ka ndërruar jetë Prof. Dr. Sc. Faik Hima, një nga spikerët e parë shqiptar të Televizionit të Prishtinës dhe personalitet i njohur i fushës së mjekësisë.
Lajmin për ndarjen nga jeta të Himës e ka bërë të ditur familja e tij.
Prof. Hima njihet si një nga figurat e para që sollën gjuhën shqipe në ekranet televizive në vitet ’60 nga studio në Beograd, duke hyrë në histori si spiker i parë i programit “Pasqyra Televizive”.
Përveç kontributit në fushën e medias, ai ishte gjithashtu një personalitet i shquar i shkencës mjekësore, me karrierë të gjatë si profesor e mjek i nderuar./Radio Kosova
