Ka ndërruar jetë edhe një pacient nga koronavirusi në Kosovë, duke çuar numrin total në 7 viktima deri më tani.
Lajmi është konfirmuar nga Ministria e Shëndetësisë përmes një njoftimi zyrtar ku është bërë e ditur se pacienti ishte në kujdesin intensiv, shkruan Gazeta Shneta.
“Klinika Infektive e QKUK-së ka njoftuar sonte se sot më 09.04.2020 në orët e mbrëmjes, në Njësinë e Kujdesit Intensiv të kësaj klinike, ka vdekur pacienti Z.I, i lindur më 1948 nga komuna e Gjilanit, i diagnostikuar me COVID 19. Pacienti është pranuar në Klinikën Infektive me datën 31.03.2020 në gjendje të rëndë dhe kishte edhe sëmundje të tjera shoqëruese”, thuhet në njoftim. /Gazeta Shneta/