Në moshën 64-vjeçare ka ndërruar jetë stomatologu Tahir Smajlaj, ka njoftuar Oda e Stomatologëve të Kosovës.
OSK e ka vlerësuar lart kontributin e të ndjerit si dhe bashkëpunimin e komunikimin e tij me kolegët, shkruan Gazeta Shneta.
Më poshtë gjeni njoftimin e plotë nga OSK:
Me pikëllim të thellë, njoftojmë se dje, me dt.01.11.2022, ka ndërruar jetë kolegu ynë Dr. Tahir Smajlaj, në moshën 64 vjeçare.
Ishte koleg me një bagazh të madh profesional dhe një kujtim shumë i veçantë për secilin kolegë që e ka njohur dhe ka pasur rastin të punoj më të.
Oda e Stomatologëve të Kosovës, vlerëson lartë karakterin e tij bashkëpunues, të ngrohtë e të komunikueshëm dhe me këtë rast bashkëndjen dhimbjen dhe i shprehë ngushëllime familjes, miqëve dhe kolegëve të tij.
Kujtimi për të do të mbetët i përjetshëm.