Hulumtimet e reja tregojnë se një sërë zakonesh të jetesës së shëndetshme mund të ndihmojnë në ruajtjen e funksionit të trurit tek njerëzit me dëmtim të butë njohës ose demencë të hershme.
Rreth 71% e pacientëve që ushqeheshin shëndetshëm, ushtronin rregullisht dhe merreshin me menaxhimin e stresit, simptomat e demencës ose mbeten të qëndrueshme ose përmirësoheshin pa përdorimin e ndonjë ilaçi, raportuan studiuesit më 7 qershor në revistën “Alzheimer’s Research and Therapy”.
Për krahasim, rreth 68% e pacientëve në një grup kontrolli pa këto ndryshime të stilit të jetesës përjetuan një përkeqësim të simptomave të tyre, shkruan Health Day transmeton Gazeta Shneta.
Studiuesit zbuluan gjithashtu se sa më shumë pacientë të ndryshonin jetën e tyre në mënyra të shëndetshme dhe t’u përmbaheshin atyre ndryshimeve, aq më i madh përfitimi për fuqinë e trurit të tyre.
Kjo është hera e parë që ndryshimet e stilit të jetesës janë treguar të kenë ndonjë ndikim në përparimin e demencës dhe Alzheimerit, thanë studiuesit.
“Unë jam shumë optimist dhe shumë i inkurajuar nga këto gjetje, të cilat mund të fuqizojnë shumë njerëz me shpresa të reja dhe zgjedhje të reja,” tha studiuesi kryesor Dr. Dean Ornish, themelues dhe president i Institutit të Kërkimeve të Mjekësisë Parandaluese.
“Ne nuk kemi ende një kurë për Alzheimerin, por ndërsa komuniteti shkencor vazhdon të ndjekë të gjitha rrugët për të identifikuar trajtimet e mundshme, tani jemi në gjendje të ofrojmë një cilësi të përmirësuar të jetës për shumë njerëz që vuajnë nga kjo sëmundje e tmerrshme,” shtoi Ornish.
Njerëzit në grupin e ndryshimit të stilit të jetesës morën pjesë në një program intensiv me katër komponentë:
– Një dietë me ushqime të plota, me bazë bimore.
– Ushtrime të moderuara aerobike dhe stërvitje forcash të paktën gjysmë ore çdo ditë.
– Menaxhimi i stresit, duke përfshirë përshembull meditimin për një orë në ditë.
– Grupet mbështetëse për pacientët dhe partnerët e tyre për një orë – tre herë në javë. /Gazeta Shneta/