Organizata Botërore e Shëndetësisë u krijua në vitin 1948, me qëllim që të shërbejë për të gjithë njerëzit e jo vetëm për një shtresë të njerzëve të pasur.
‘’Ky qëllim pas 70 vitesh është edhe më i fortë se sa asnjëherë më parë, askush nuk duhet të sëmuret dhe të vdes vetëm pse është i varfër, ose shërbimet që i nevojiten janë shumë larg’’, shprehet Drejtori gjeneral i OBSH në mesazhin e tij për Ditën e Shëndetit, transmeton Gazeta Shneta.
Ai më tutje shprehet se sot më shumë se gjysma e botës kanë mungesë të shërbimeve bazike mjekësore.
Derisa shumë njerëz të tjerë janë zhytur në borgje vetëm për shkak të pagesave të larta që ata paguajnë për shërbime shëndetësore.
‘’Kjo nëpërkëmbje e këtyre njerzëve duhet të përfundojë, shumica e vendeve me të gjithë resurset që gëzojnë mund të përparojnë në ofrimin e shërbimeve më të mira mjekësore’’, thotë Dr. Tedros.
Derisa në fund ju bënë thirrje edhe vendeve të tjera që të përballen me ofrimin më të mirë të shërbimeve mjekësore varësisht nga rrethanat sociale që ata ndodhen.
Prandaj, sot është koha që shtetet të investojnë më shumë në sigurimet shëndetësore dhe për të arritur tek një barazi për të gjithë.
Dita botërore e shëndetit i gjen kosovarët pa sigurime shëndetësore, me sistem të shëndetësisë në gjendje të mjerueshme, pa mundësi për t’i trajtuar shumë lloje të sëmundjeve brenda vendit, mungesë barnash dhe trajtim johuman nga personeli mjekësor./Gazeta Shneta/