Në vetëm dy aksidente të ndodhura nga 24 orët e fundit, ka vdekur një person dhe janë lënduar nëntë të tjerë.
Mbrëmë pas mesnatës ka ndodhur një aksident me fatalitet në magjistralen Prishtinë-Pejë.
Një 21-vjeçar me iniciale A.Q. ka ndërruar jetë në QKUK pas lëndimeve të marra në aksident. Rasti është konfirmuar edhe nga Policia e Kosovës për Gazeta Express.
Ndërsa në një aksident tjetër në fshatin Metehi të Podujevës, një aksident ndërmjet dy veturave ka lënë të lënduar nëntë persona.
Policia ka deklaruar se janë lënduar dy shoferët dhe shtatë pasagjerët, që të gjithë shqiptarë.
Të lënduarit janë dërguar në QKUK për trajtim mjekësor. /Gazeta Shneta/