Menaxhmenti i Shërbimit të Kardiokirurgjisë në QKUK po pretendojnë se SHSKUK iu ka kërkuar ta lirojnë sallën e operimit për një kardiokirurg italian, që sipas tyre ka qenë pa licencë pune në Kosovë.
Drejtori i Kardiokirurgjisë Dr. Tefik Bekteshi, ka thënë se ka marr një urdhër nga drejtori i përgjithshëm i SHSKUK-së Dr. Valbon Krasniqi për ta liruar sallën e operimit dhe për ta vënë në dispozicion stafin mjekësor për mjekun italian.
“Ka qenë një rrezikim enorm i fëmijëve dhe një gabim shumë i madh që do të duhej të diskutohet në të gjitha sferat zyrtare të sistemit shëndetësor”, ka deklaruar Bekteshi në emisionin “Në vëzhgim” në RTK.
Në anën tjetër Valbon Krasniqi ka thënë se nuk ka asnjë bojkot nga klinikat, por mjekët italian kanë ardh në Kosovë në bazë të marrëveshjeve në mes Ministrisë së Shëndetësisë dhe partnerëve tjerë. “Unë jam SHSKUK dhe gjithë profesionistët shëndetësorë duhet të plotësojnë licencën e punës dhe dokumentet tjera”, ka thënë Krasniqi.
Por Bekteshi ka deklaruar se kishte marr letër nga Krasniqi që Kardiokirurgjia të vihej të dispozicion për mjekun italian.
Në anën tjetër Dr. Adem Grbolar, shef në Kardiokirurgji, ka deklaruar se nuk kanë pasur asnjë informacion se kush do të kryej këto operacione.
“Nuk e kemi dit a ka licencë ai kirurg për të operuar në Kosovë. Kirurgu ka qenë 71 vjeç dhe vet ka deklaruar se një ditë më parë kishte kryer operacion në një spital privat. Ai së bashku me një pediatër të QKUK-së kanë thënë se kishin urdhër nga Ministria e Shëndetësisë që brenda 72 orëve të kryente operacionin”, ka deklaruar Grbolar.
Më poshtë është linku i emisionit të plotë.