Në Klinikën e Pediatrisë, është mbajtur ceremonia e shpërndarjes së mirënjohjeve për kontribuesit në themelimin e shërbimeve shëndetësore në Kosovë.
Lajmin e ka bërë të ditur Oda e Mjekëve të Kosovës (OMK), përmes një komunikate ku thuhet se është mbajtur ceremonia e shpërndarjes së mirënjohjeve ndaj mjekëve kontribues, transmeton Gazeta Shneta.
Për kontribuesit e veçantë në ngritjen e shërbimeve shëndetësore, kryetari i Odës së Mjekëve (OMK), Dr. Pleurat Sejdiu ka ndarë mirënjohje për mjekët nga Austria dhe Holanda si dhe organizatave Care for Kosova Kids, Ndihmë fëmijëve me kancer dhe Cure for children.
“Në Klinikën e Pediatrisë, Kryetari i Odës së Mjekëve, Dr. Pleurat Sejdiu, shpërndau mirënjohje falënderimi për kontributin e veçantë të dhënë në themelimin e shërbimeve shëndetësore në Kosovë, mjekëve nga Austria dhe Holanda, si dhe organizatave Care for Kosova Kids, Ndihmë fëmijëve me kancer dhe Cure for children, të cilat mundësuan realizimin e këtij projekti”, potencohet në komunikatë.
Mes tjerash, kryetari Sejdiu, falënderoi mjekët e pranishëm për bashkëpunimin dhe kontributin e tyre në Klinikën e Pediatrisë duke ofruar ndihmën e OMK-së në ngritjen e kapaciteteve profesionale të kësaj klinike. /Gazeta Shneta/
