Në QKUK bllokohet lifti, familjarët përjetojnë tmerrin për disa minuta (Video)

2017-04-20 në ora 07:38

Në Klinikën e Kardiologjisë gjatë ditës së djeshme disa familjarë që kishin ardhur për vizitë, kanë përjetuar tmerrin e të qenit i bllokuar në lift.

Në një video e dërguar nga një lexues në Gazeta Shneta, shihet momenti kur të bllokuarit në lift fillojnë të bërtasin dhe godasin derën e liftit të ngecur ndërmjet katit 1 dhe përdhesës.

Disa familjarë të tjerë që qëndrojnë në hollin e klinikës, e lajmërojnë sigurimin dhe stafin përgjegjës për të intervenuar.

Ata mundohen t’i qetësojnë të bllokuarit dhe t’ua heqin frikën duke u thënë se së shpejti do të hapet dera.

Intervenimi ka zgjatur disa minuta derisa lifti është rikthyer në funksion.

Bllokimi në ashensorët e klinikave në QKUK është diçka e zakonshme që përsëritet pothuajse çdo ditë për shkak të problemeve teknike.

Madje në QKUK ka ndodhur që familjarët edhe të lëndohen pasi kanë rënë në gropat e liftit. /Gazeta Shneta/