Neurokirurgu Arsim Morina ka bërë akuza të rënda ndaj kolegëve të tij, Bujar Kastratit dhe Mentor Petrelës. Në një video të dërguar nga një familjar në adresë të Gazetës, Morina dëgjohet duke akuzuar Kastratin dhe Petrelën se po iu marrin para pacientëve për t’i bërë operacion
Neurokirurgu i QKUK-së, Dr. Arsim Morina, ka drejtuar akuza të rënda ndaj dy kolegëvë të tij, Dr. Bujar Kastratit nga Kosova dhe Dr. Mentor Petrelës nga Shqipëria. Një familjar i një pacienti në Neurokirurgji të QKUK-së ka dërguar një video në adresë të Gazetës Shneta, ku Morina dëgjohet duke akuzuar kolegët e tij se po iu marrin para pacientëve për t’i bërë operacion.
Morina dëgjohet duke i bërë presion familjares për t’i treguar sesa para ia ka kërkuar Petrela për operacion, ndonëse familjarja insiston se nuk i ka dhënë asnjë cent.
“Kosovarët mbledhi paret, fshij ai paret dhe mandej hajde operoj Arsimi. Pa para zonjë, ai nuk e këqyr askënd hiq. Ai paranë e ka zot e çka të duash”, deklaron Morina.
“Korrupsoni në kulm është. Nuk shkoni te ai sepse ju ka lyp shumë. Kallxo sa të ka lyp”, insiston Morina për ta ditur sesa para ia ka kërkuar, para se ta fus pacientin në operacion.
Krejt në fund ai deklaron se Petrela nuk ka më shumë se 6 muaj specializim në neurokirurgji.
Gazeta ka kontaktuar me Dr. Morinën për të marr një deklaratë nga ana e tij nëse këto janë qëndrime zyrtare të tij karshi kolegëve Kastrati dhe Petrela, por ai nuk ka pranuar të përgjigjet në pyetjet e dërguara me email. /Gazeta Shneta/
Kërkojmë ndjesë: Video është tërhequr pas kërkesës së palëve të përfshira për shkak të privatësisë.