Nisin punimet për spitalin e ri Pediatrik në QKUK (Foto)

2017-03-18 në ora 08:59

Para pak ditësh ka filluar përgatitja e terrenit për fillimin e punimeve për ndërtimi e spitalit të ri Pediatrik në Qendrën Klinike Universitare të Kosovës.

Gurthemeli për këtë spital është vënë në mars të vitit të kaluar, ndërsa punimet pritet të përfundojnë në vitin e ardhshëm, shkruan Gazeta Shneta.

Investimet prej 22 milionë eurosh në klinikën e re Pediatrike-Kirurgjike do të jenë donacion i Emirateve të Bashkuara.

Një nga iniciatorët e këtij projekti, ish-Presidentja Atifete Jahjaga, pati thënë se spitali i ri do të bëhet me aparaturën më moderne në rajon.

Sipas projektit, spitali do të ketë tri kate që do të ofrojnë shërbime të ndryshme diagnostike dhe të trajtimit, si dhe do të ketë një sipërfaqe prej 10 mijë metra katrorë, ndërkohë që ndërtimi pritet të fillojë sivjet. /Gazeta Shneta/