Laboranti Ilir Imeri dhe infermierja Vjollca Berisha humbën betejën me Covid të martën.
Imeri ka punuar në Qendrën Kryesore të Mjekësisë Familjare në Fushë Kosovë, ndërsa Berisha në Spitalin e Gjakovës.
Të ndjerët janë përkujtuar nga kolegët e tyre dhe puna e tyre është vlerësuar lart. Oda e Infermierëve të Kosovës ka shprehur ngushëllime.
Telegram ngushëllimi
Oda e Infermierëve, Mamive dhe Profesionistëve tjerë shëndetësorë shprehë ngushëllime të sinqerta për ndarjen e parakohshme nga jeta të Ilir Imerit laborant në Qendrën Kryesore të Mjekësisë Familjare ‘Fatmir Krasniqi’ në Fushë Kosovë si dhe infermieres Vjollca Berisha, e cila punoi në Spitalin e Përgjithshëm në Gjakovë.
Me gjithë përpjekjet e jashtëzakonshme të stafit shëndetësor, laboranti Imeri dhe infermierja Berisha, nuk e fituan betejën me koronavirusin. Të dy, do të kujtohen për punën e palodhshme në shërbim të pacientëve.