Autoritetet shëndetësore norvegjeze, thanë të martën se vendi ka një tepricë të vaksinave kundër COVID-19 dhe tashmë kanë hedhur më shumë se 137,000 doza sepse ka pësuar një rënie në kërkesën ndaj vaksinimeve në vendet me të ardhura të ulëta.
Instituti Norvegjez i Shëndetit Publik, njoftoi se planifikon një asgjësim të mëtejshëm të dozave nëse kërkesa globale nuk ndryshon.
Në Norvegji ka mbulim të lartë të vaksinave, ndërsa globalisht kërkesa për donacione ka rënë, shkruan MedicalxPress përcjell Gazeta Shneta.
“Për herë të parë gjatë pandemisë, oferta tani tejkalon kërkesën për doza të vaksinës COVID-19”, raportoi agjencia, duke shtuar se situata vlen edhe për shumicën e vendeve të Bashkimit Evropian.
Norvegjia ka dhuruar 7.4 milionë doza në më shumë se 25 vende, kryesisht nëpërmjet programit të mbështetur nga OKB-ja i njohur si COVAX, por edhe nëpërmjet donacioneve dypalëshe.
Në fillim të këtij muaji, zyrtarët shëndetësorë në Danimarkën fqinje thanë se 1.1 milion vaksina të tepërta për COVID-19 do të hidheshin për shkak se data e tyre e skadencës është afër dhe përpjekjet për t’i dhuruar ato në vendet në zhvillim kanë dështuar.
Sipas agjencisë norvegjeze, 93.1% e personave mbi 18 vjeç kanë marrë një dozë të parë të një vaksine ndërsa 90.7% kanë marrë një vaksinë të dytë. /Gazeta Shneta/