Qindra mitrovicas kanë kërkuar mjekim vetëm sot në Qendrën Kryesore të Mjekësisë Familjare (QKMF) dhe në Qendrat e Mjekësisë Familjare (QMF) të qytetit.
Siç shihet, dhjetëra persona po presin në radhë edhe në këto momente në Emergjencën e QKMF-së, shkruan “Jepi zë”.
Disa pacientë i kanë thënë gazetës se u duhet të presin gjatë për t’u kontrolluar nga mjeku, edhe pse dy mjekë janë duke punuar vazhdimisht për t’i trajtuar ata.
Sipas pacientëve, shumica kanë simptoma të ngjashme dhe besojnë se janë të prekur nga gripi sezonal.
Deri tani nuk ka statistika të sakta për numrin e rasteve me grip sezonal, por vërehet një rritje e ndjeshme e pacientëve që kërkojnë ndihmë mjekësore./Jepize/
