Organizata Botërore e Shëndetësisë (OBSH), e ka riemëruar linë e majmunëve si ‘mpox’, duke përmendur shqetësimet se emri origjinal i sëmundjes së kafshëve prej dekadash mund të interpretohet si diskriminues dhe racist.
Agjencia shëndetësore e OKB-së, në një deklaratë të hënën ka thënë se mpox ishte emri i ri për linë e majmunëve, ndërsa emri i vjetër do të hiqet gradualisht, shkruan Medical Xpress përcjell Gazeta Shneta.
OBSH, ka thënë se ishte e shqetësuar nga “gjuha raciste dhe stigmatizuese” që u shfaq pasi lija e majmunëve u përhap në më shumë se 100 vende dhe se shumë individë dhe vende i kërkuan organizatës “të propozojë një rrugë përpara për të ndryshuar emrin”.
Në gusht, OBSH filloi të konsultohej me ekspertë për riemërtimin e sëmundjes, menjëherë pasi agjencia e OKB-së shpalli përhapjen e lisë së majmunëve si një emergjencë globale.
Deri më sot, ka pasur më shumë se 80,000 raste të identifikuara në dhjetëra vende që nuk kishin raportuar më parë me sëmundjen e lidhur me linë e majmunëve. /Gazeta Shneta/
.