Me afrimin e dimrit, Organizata Botërore e Shëndetësisë theksoi të hënën rëndësinë e qëndrimit vigjilent pasi rastet e COVID-19 dhe gripit rriten në Evropë, duke inkurajuar më shumë njerëz të vaksinohen.
“Kjo nuk është një kohë për t’u çlodhur,” tha drejtori i OBSH-së për Evropë, Hans Kluge në një konferencë për shtyp, shkruan Medical Xpress përcjell Gazeta Shneta.
53 vendet që përbëjnë rajonin e Evropës të OBSH-së, i cili përfshin Rusinë dhe vendet në Azinë Qendrore, ishin përsëri në epiqendrën e pandemisë COVID-19, duke përbërë gati 60 për qind të rasteve të reja me COVID në mbarë botën, sipas Kluge.
Në të njëjtën kohë, rastet e gripit sezonal po arrijnë kulmin.
Me këtë valë të re të COVID-it, vdekjet dhe pranimet në kujdesin intensiv nuk po rriten në të njëjtën shkallë si valët e mëparshme, dhe OBSH theksoi lidhjen me fushatat e vaksinimit.
“Vaksinimi mbetet një nga mjetet tona më efektive kundër gripit dhe COVID-19,” tha Kluge, duke u kërkuar atyre që kualifikohen të marrin vaksina për gripin dhe vaksinën përforcuese për COVID-19 sa më shpejt të jetë e mundur.
Të hënën, OBSH shënoi edhe Ditën Botërore të Poliomielitit, një sëmundje që prek kryesisht të rinjtë dhe shkakton paralizë, mirëpo fatmirësisht besohet se është zhdukur në botën perëndimore. /Gazeta Shneta/