Oda e Infermierëve të Kosovës ka sqaruar për Gazetën Shneta se teknikët e radiologjisë janë profil i veçantë të licencuar nga kjo organizatë dhe se për ta ka kërkuar korrigjim të koeficientit.
Një pjesë e punëtorëve shëndetësorë në nivelin sekondar dhe terciar kanë shprehur pakënaqësi për shkak të ndryshimit të koeficientit. Atyre po ashtu Ministria e Financave ua ka tërhequr një pjesë të pagës, duke i barazuar shumën që janë paguar më shumë me koeficientët më të lartë muaj më herët, shkruan Gazeta Shneta.
Në këtë grup bëjnë pjesë edhe teknikët e radiologjisë. Ndonëse kjo kategori janë profil i veçantë të licencuar nga Oda e Infermierëve të Kosovës, teknikëve me shkollim të mesëm iu është ulur koeficienti.
Nga OIK kanë deklaruar se për këtë çështje kanë dërguar shkresë në Ministrinë e Punëve të Brendshme, Ministrinë e Shëndetësisë dhe QKUK.
“Sa i perket pyetjes ne lidhje me statutin e teknikeve te radiologjise ju informojme se tekniket e radiologjise jane profile te veçanta. Ne kuader te profilizimt – legalizimit te teknikeve te radiologjise qe kane punuar per shume vite ne insititucione publike shendetesore e te cilet nuk kane pasur licence per profilin perkates, te gjithe atyre qe kane vijuar kursin e trajnimit te organizuar ne qkuk dhe kane pasur 5 vite pervoje pune, OIK i ka legalizuar, respektivisht i ka licencuar si teknike te radiologjisë”, kanë deklaruar nga OIK..
“Kështu kanë ruajtur thirrjen e fituar ne baze te shkollimit formal infermier- teknik i radiologjise. Lidhur me koeficientin per kete profil ne gjithashtu kemi bere kerkese per korrigjimin e koeficentit ne organet komptente”, thuhet në përgjigjen e OIK. /Gazeta Shneta/