Oda e Mjekëve të Kosovës ka dal sot me një reagim ndaj SHSKUK-së duke e quajtur “analfabetizëm funksional dhe mjerim menaxherial”, pasi ky institucion e përfshiu OMK-në në një reagim ndaj rastit të logopedit Iljasa Fazliu
Mbrëmë në orët e vona Shërbimi Spitalor Klinik Universitar doli me një reagim për skandalin e logopedit Iljasa Fazliu, i cili dyshohet se ka keqtrajtuar dhe abuzuar me një fëmijë 5-vjeçar me autizëm. Fazliu ishte avancuar në pozitën e shefit të logopedisë në QKUK, ndonëse i njëjti nuk kishte fare licencë të punës nga Oda e Infermierëve, shkruan Gazeta Shneta.
Në këtë reagim SHSKUK e përmendi edhe Odën e Mjekëve të Kosovës, për siç deklaruan, se odat duhet t’i njoftojnë institucionet për skadimin e licencave të profesionistëve shëndetësorë.
E sot Oda e Mjekëve ka dal me një reagim të ashpër ku e kanë quajtur menaxhmentin e SHSKUK-së “analfabet funksional dhe mjerim menaxherial”.
“Në reagimin e orëve të vona të mbrëmjes së ditës së djeshme, SHSKUK pa asnjë bazë ligjore dhe faktike ka tentuar të përfshijë Odën e Mjekëve në një skandal të një zyrtari menaxherial të cilin ditë më parë e kishin emëruar organet e kësaj të fundit”.
“Komunikata mbrëmshme e SHSKUK-së është tentim tjetër që në mënyrë për ta mbuluar paaftësinë e menaxhimit, ta hedh fajin në organizatat profesionale”, thuhet ndër të tjera në reagimin e OMK-së.
Më poshtë mund ta lexoni reagimin e plotë: